Ayon kay PSA President Roberto Cuevas, may 75 na awards ang ipamimigay sa 102 sports achievers sa 2002 sa Annual Awards Night na dadaluhan ng mga sports leaders at mula sa private at government sector. Ipapalabas ito ng NBN-4.
Pinangungunahan ni President Gloria Macapagal-Arroyo ang listahan ng mga inimbitahang panauhin na kinabibilangan din nina Philippine Sports Commission chairman Eric Buhain at mga PSC board of commissioners, Philippine Olympic Committee president Celso Dayrit at lahat ng pangulo at secretaries general sa ilalim ng POC, awardees’ guests at executives ng corporate community.
Ang iba pang panauhin ay sina Philippine Basketball Association chairman Butch Alejo and commissioner Noli Eala, Philippine Basketball League chairman Diolcedo Sy at commissioner Chino Trinidad, lahat ng ball clubs ng PBA at PBL at iba pang sports clubs at associations, Games and Amusements Board chairman Eduardo Villa-nueva, former GAB chairman Dominador Cepeda, former PSC chairman Philip Ella Juico, at corporate supporters ng PSA.
Sinabi ni Cuevas na ang invitation cards ay ipapadala sa mga awar-dees sa linggong ito at ang mga hindi makakatanggap ay mabibigyan sa reception table sa Enero 10.