Hamon sa Kampeon

Itatanghal ng Pilipinas Shell Petroleum Corporation ang national championships ng unang Jeepney King and Tricycle King Challenge na tinaguriang ‘Hamon ng mga Kampeon’ sa Luneta Parade grounds, alas-8:30 ng umaga sa harap ng Quirino Grandstand.

Panauhing pandangal si Manila Mayor Lito Atienza kasama ang chairman ng Shell companies ng bansa na si Eliseo Santiago sa event na bibigyang kulay ng tv personality na si Aubrey Miles.

Ang lahat ng mananalo sa 17-leg series ng Jeepney King Challenge (JKC) at 18-leg series Tricycle King Challenge (TKC) ay tutungo sa Manila para makipaglaban sa titulo.

Ang mga legs ay ginanap sa Baguio City, Navotas, Cagayan De Oro, La Union, Batangas, Tarlac, Pampanga, Isabela, Lucena, Iloilo, Tacloban, Davao, Marikina, Laguna, Legazpi City, Cebu, Cavite, General Santos, Abra, Surigao, Butuan, Antipolo at Dumaguete.

Nakataya ang P20,000 para sa mananalo sa dalawang event, P12,000 sa runner-up at P10,000 sa third placer.