PBL dadayo sa Bataan

Makaraan ang matagumpay na pagdaraos at punum-punong out-of-towm games sa Batangas at Tarlac, dadayuhin naman ngayon ng Philippine Basketball League ang balwarte ng Balanga, Bataan sa nakatakdang krusiyal na dalawang laro sa Sabado.

Magiging punong abala ang Bataan Peoples Center sa kauna-unahang laro ng PBL sa Bataan na magtatampok sa sagupaan sa pagitan ng Sunkist-Pampanga at defensive team Dazz Dishwashing Liquid at ng Welcoat Paints at Blu All-Purpose sa alas-4 ng hapon.

Naipormalisa ang nasabing dalawang pares na salpukan sa koordi-nasyon ni Toby Tanjuatco sa pamamagitan ng suporta mula kina Bataan Governor Leonardo ‘Ding’ Roman, Vice-Governor Rogelio ‘Boy’ Roque at ng Sangguniang Panlalawigan ng Bataan.

Ang kikitain sa nasabing event na itinataguyod ng Apo Vinyl Tiles, Seven Twenty Four Convenience Store at Bataan Terminal Mall, VETAFS Store, Power Radio 104.7 FM at Smile Radio 98.3 FM ay mapupunta sa benipisyo ng Senior Citizens ng Bataan.