Laguna, Negros Occidental may pinakamalaking delegasyon sa Batang Pinoy

Ang swimming, athletics at taekwondo ang pinakamalaki ang draw, habang ang Laguna at Negros Occidental ang siyang nanguna kung ang pag-uusapan ay ang termino ng bilang ng delegasyon sa fourth Philippine National Youth Games-Batang Pinoy sa Puerto Princesa sa Palawan na magiging punong abala para sa walong araw na tournament simula sa Linggo.

Mahigit sa 2,000 atleta ang nakalista sa patalaan, 331 o 15 porsiyento ang lalahok sa swimming competitions ng Batang Pinoy na idaraos sa Puerto Princesa’s 8,000-seat sports complex sa loob ng Santa Monica Heights.

Ang athletics ay mayroong 322 atleta at 257 naman para sa taekwondo.

Nanguna ang Laguna sa pagpapadala ng lahok na 250 atleta at opisyal, na nagpapakita ng indikasyon na seryoso ang Lagueños na maungusan ang Manila na siyang kasalukuyang overall champion, habang 220 naman ang isasabak ng Negros Occidental. Nagpadala lamang ang Manila ng 158 miyembro ng delegasyon. Ang iba pang LSCs na nagpadala ng mahigit isangdaang delegasyon ay ang Zamboanga City (180). General Santos City (147) at Isabela (158).