Champions League di-dribol ngayon

Malalaman na kung sino talaga sa mga collegiate basketball ang siyang pinakamahusay sa pag-dribol ngayon ng Champions League 2002 sa Makati Coliseum.

Unang masusukatan ng lakas ang De La Salle na siyang nagdomina sa UAAP na sasabak sa University of Baguio sa ala-1 ng hapon, habang sasagupain ng University of Santo Tomas ang University of Manila sa alas-3.

Batid ni coach Danny Soria ng UB ang malalim na karanasan ng La Salle at umaasa sila na bahagyang mahihirapan sa kanilang laban.

Isang knockout affairs ang elimination, quarterfinal at semifinal rounds ang format ng nasabing championships na isang best-of-three series na suportado ng Petron, San Miguel Corporation, Adidas, Hapee at PLDT.

Sa kabilang dako, may agam-agam naman ang UST Growling Tigers sa kanilang haharaping hamon sa mga kamay ng UM Hawks. (Ulat ni CVO)