PSA sports forum

Basketball at beach volleyball ang tampok na talakayan bukas sa session ng PSA Forum sa Holiday Inn hotel.

Panauhin sina Philippine Basketball League (PBL) Commissioner Chino Trinidad, cage greats Ramon Fernandez at Joe Lipa gayundin si Chito Narvasa, dating Philippine Basketball Association (PBA) coach sa forum na sisimulan sa alas-10:30 ng umaga na hatid ng Agfa Colors, Red Bull at Pioneer Insurance.

Tatalakayin ni Trinidad ang tungkol sa nalalapit na season-ending tournament ng PBL habang pag-uusapan naman nina Lipa at Fernandez ang Champions League 2002 na magbubukas sa Nov. 10. Sa kabilang dako, mag-oorganisa naman ang Narvasa’s AYN Sports Management ng 1st Clark Centennial Cup, ang women’s beach volleyball event.