3 ginto hinakot ng San Pablo sa Milo Little Olympics

Sumandig ang Liceo de San Pablo sa kanilang swimmers na humakot ng tatlong ginto, dalawang silvers at tatlong bronze medal output upang kunin ang solong pangunguna sa overall sa high school division ng 2002 Milo Little Olympics sa RMSC pool nitong nakaraang weekend.

Pumangalawa ang Marist na nagtala ng 3-0-0 record sa Milo student sportsfest na inorganisa ng CTW group.

Sa elementary bracket ng Milo Little Olympics, sinungkit ng central School of San Pablo ang liderato sa kanilang isinumiteng 4-1-1 card, sumunod ang Canossa College, 3-0-0 at ang Dr. A. Albert Elementary School at katabla ang Manuel Roxas ES na may parehong 1-1-0 medal output.