Huling araw ng PBL draft ngayon

Itinakda ang huling araw ng pagsusumite ng application para sa PBL Rookie Draft hanggang bukas, alas-5 ng hapon sa PBL Office, Makati Coliseum, 31 Mascardo St., La Paz Village, Makati City.

Umaabot sa mahigit 100 ang umaasa na mapapabilang sa liga na kinabibilangan ng apat na Fil-foreigners at potentials mula sa Zamboanga gayundin sa Cagayan Valley ang nagpatala na para ma-bigyan ng tsansa na mapasama sa susunod na batch ng PBL superstars na magpapakita ng aksiyon sa nalalapit na PBL 2nd Conference.

Ito ay kinabibilangan ng limang malalaking tao na sina 6’7 1/2 Gerald Roxas at 6’5 Reymond Kelvin Dula ng Mapua, 6’6 Arden Guiyab ng Philippine Christian University, PCU’s 6’5 Bernardino Perlas , 6’5 Alex Magpayo ng College of St. Benilde, Harold Sta. Cruz at Carlo Sillona ng Letran at Erwin Sta. Maria ng Mapua.

Ang mga aplikante na magpapasa ng kani-kanilang aplikasyon matapos ang ibinigay na deadline ay hindi na tatanggapin pa. Para sa iba pang interesadong aplikante tumawag lamang kay Nida Oliveros sa 8976383 o 8956483.