WBO Asia Pacific title tangka ni Presbitero

Iisa lamang ang nais maisakatuparan ni dating ligthflyweight champion of the Philippines at kasalukuyang Asian Boxing Association (PABA) #5 light-flyweight contender Jovan Presbitero ang masungkit ang World Boxing Organization Asia Pacific lightflyweight crown.

Kailangan ni Presbitero na talunin sa Setyembre 18 ang tigasing kalaban na si World Boxing Organization Asia Pacific lightweight #16 at Pan Asian Boxing Association (PABA) flyweight #1 contender na si Roy Doliguez sa 10-round bout sa Theater of Casino Filipino-Parañaque na tinaguriang ‘Matira Matibay II.’

Maagang nagpamalas si Presbitero ng kanyang kahusayan nang sa tatlong taon pa lamang nitong pag-akyat sa professional boxing, agad niyang nasungkit ang Philippine Lightflyweight title nang kanyang gapiin si Eugene Gonzales sa pama-magitan ng unanimous decision sa kanilang laban noong nakaraang Hulyo 7, 2000.

Ngunit sa sumunod niyang laban noong Enero 6 ng nakaraang taon, nabigo siya kontra kay Jorge Arce ng Mexico para sa World Boxing Council Youth Lightflyweight Championship. (Ulat ni Maribeth Repizo)