Pagtutol ni Guiao kay Bayno

Walang personalan, trabaho lang.

Ito ang pananaw ni Red Bull coach Yeng Guiao, dating pangulo ng Basketball Coaches Association of the Philippines (BCAP) sa kanyang pakikipagharap para sa titulo ng PBA-Samsung Commissioner’s Cup kay Talk ‘N Text coach Bill Bayno, ang American coach na binabatikos ng BCAP.

"Definitely, it’s nothing personal," pahayag ni Guiao na panauhin sa PSA Forum kahapon na lingguhang ginaganap sa Holiday Inn Manila Pavilion.

Matatandaang mahigpit na tinutulan ng BCAP ang pagkakatalaga ni Bayno bilang coach ng Phone Pals simula’t sapul.

"Talk ‘N Text is exerting all effort to win a championship again, including hiring American coach. To stop that and win back-to-back titles is our goal," wika ni Guiao. "That’s a big enough challenge for us."

Ngunit naniniwala si Guiao sa kakayahan ng mga Filipino coaches.

"Wala namang distinct advantage ang mga Amerikano. Kaya walang dahilan para tigilan ang laban," ani Guiao. "Filipinos have the right to coach in their own country," dagdag pa nito.

Inamin ni Guiao na ang kanyang Red Bull Thunder ang paborito ngunit mas makakabuting hindi nila isipin ito.

"I won’t pretend that we’re not the favorites in this series. I just feel that there is no point in putting pressure in ourselves by believing too much that we are the favorites," dagdag pa ni Guiao.

Magsisimula ang pagdedepensa ng titulo ng nagtatanggol ng koro-nang Red Bull sa Biyernes para sa titulo ng Commissioner’s Cup sa best-of-seven affair. (Ulat ni Carmela V. Ochoa)