Soquino, Cortez nanalasa sa Milo Junior Tennis

LA CARLOTA -- Pinangunahan nina Lovely Soquino at Claire Cortez ang pananalasa ng mga Cebuanos nang magposte ng impresibong panalo sa pagbubukas ng 2002 Milo Junior Tennis Cup & Regional Workshop dito noong Biyernes sa La Carlota Tennis Club sa Negros Occidental.

Tinalo ni Soquino si Richelle Vijandre, 6-1, 6-0 at naungusan ni Cortez si Julie Ann Sagansay, 6-4, 6-4 sa girls’ 12-under division ng Milo netfest na ito na inorganisa ng CTW at suportado ng Adidas at Sports Kids na may sanction mula sa Philta.

Nakapasok rin sina Soquino at Cortez sa quarterfinal kasama ang mga local netters Sheila Auquico na umiskor ng 6-4, 6-4 panalo kontra Angelica Napiere at Mae Joy na sumibak naman kay Lynette Bantigue, 2-6, 6-4, 7-5.

Ayon kay Philta regional VP vice mayor Rex Jalandoon na mahigit sa 80 age groupers mula sa Visayas regions ang lumahok sa tournament at panibagong 52 boys and girls ang nagpatala sa Milo beginners workshop.