7 basketball greats sa Hall of Fame

Pitong basketball greats ang mapapabilang sa Hall of Fame sa July 7 sa ballroom ng Manila Peninsula Hotel.

Ang ikatlong batch ng inductees ay sina Mariano Tolentino, Eduardo Lim, Kurt Bachman, Alfonso Marquez, Carlos Badion, Geronimo Cruz at Loreto Carbonell.

May kabuuang 15 basketball legends ang kasama na sa Hall of Fame na kinabibilangan nina Carlos Loyzaga, Ambrosio Padilla, Fely Fajardo, Charls Brock, Tony Genato, Jacinto Ciria Cruz, Primitivo Martinez, Ramoncito Campos, Ed Ocampo, Gabriel Fajardo, Narciso Bernardo, Lauro Mumar, Rafael Hechanova Sr., Pocholo Martinez at Francisco Vestil.

May limampu’t tatlong nominees ang isinumite sa Hall of Fame Steering Committee na pinamumunuan ni chairman Jose Zubiri, dating Representative at ngayon ay Bukidnon Gov. Jose Zubiri Jr.

Pagkatapos ng ilang serye ng pagpupulong at konsul-tasyon, 24 na lamang ang natira.

Sina businessman/sportsmen Manolo Lopez ng Meralco at Fernando Zobel de Ayala ang chair at vice-chair ng Board of Trustees.