Pacquiao handa sa depensa vs Julio

Hindi lamang ang laban nina Mike Tyson at Lennox Lewis ang pinananabikan ng mga Pinoy kundi pati na rin ang pagdedepensa ni Manny Pacquiao ng kanyang International Boxing Federation super bantamweight title.

Isa sa undercard ng kontrobersiyal na laban nina Tyson at Lewis sa ‘The Pyramid’ sa Memphis, Tennessee ang pakikipaglaban ni Pacquiao sa Columbian Challenger at two-time bantamweight champion na si Jorge Eliecer Julio.

Ang pinakaaaba-ngang event na ito ay mapapanood sa NBN-Channel 4 ngayong alas-8:00 ng umaga.

Pumasa sa 122lbs. weight limit sa kanyang timbang na 120lbs. taliwas sa kanyang kalabang si Julio na kinailangan pang hubarin ang kanyang underwear para umabot sa itinakdang timbang.

Si Pacquiao ay may 33-2-1win-loss-draw record kabilang ang 24 knockouts habang si Julio ay may 44-3-2 records na may 32 KOs.

Sa huling laban ni Pacquiao, isang kontrobersiyal na draw ang kanyang sinapit laban kay Agapito Sanchez ng Dominican Republic sa San Francisco noong November upang mapanatili ang kanyang korona.