Paraqua, solo lider sa Phil. Youth Age-group chessfest

Nakopo ni International Master Mark Paragua ang solong liderato sa premier under-20 division ng Philippine Youth Age Group Chess Championships kahapon sa 2/F Centermall, Greenhills Shopping Center sa San Juan.

Nagtala si Paragua, last year runner-up at top seed sa 36-player class ng 5.5 puntos makaraan ang anim na round ng paglalaro. Siya ay nakipag-draw kay Roland Salvador sa fifth round at tinalo si Rey Jomar Magallanes sa sixth round.

May kalahating puntos na layo sa kanya si National Master John Paul Gomez, sumunod si FIDE Master Sander Severino na may 4.5 puntos.