PBL Humihina na sa mga sportswriters

Tutoo ba na humina na ang suporta ng mga sportswriters sa PBL?

Hindi na raw tulad ng dati na maraming writers na bumibisita sa PBL.

Ano kaya ang problema?

May iniiwasan ba sila?

Iba na ba ang treatment sa kanila kapag nandoon sila?

Sino ang may problema at kanino?

Mabuti’t nariyan pa si Bong Castro na masasabi naming very efficient magtrabaho at kahit paano eh may nababasa pa tayo tungkol sa PBL.

May problema ba ang mga sportswriters sa PBL?

Tatanungin natin ang mga sportswriter at hayaan nyo’t sasa-bihin namin dito next time.

* * *

Nakakatuwa rin naman ang team ni Sen. John Osmeña sa PBL.

Palaban na palaban kahit bago pa lang.

Nami-miss ba ng PBL ang Welcoat?

Sa dami ng mga magagandang laro, mukhang hindi.

Babalik na kaya ang Welcoat sa PBL next conference?

* * *

Isa sa magagaling na players ngayon ng Las Piñas College ay si Chris Espera.

Pointguard ang laro nitong si Espera at dati siyang naglalaro sa PCU sa NCAA.

Hindi namin alam kung bakit siya nalipat sa Las Piñas.

21 years old na si Chris at sabi niya, naghahanda na ang eskuwela nila dahil mukhang ito ang representative sa inter-city basketball tournament.

* * *

Out na ang team na ito sa PBA.

Kahit anong pilit ng kanilang ‘sikat’ kunong player, wala itong nagawa.

Pinagtatawanan pala siya ng mga teammates niya.

"Akala ba namin magaling siya, pero bakit wala siyang ma-gawa?" ang sabi ng isa niyang ka-teammates na ayaw magpa-banggit ng pangalan.

* * *

Nagkasama ang isang guwapo at batambatang pro basketball player at ang isang maganda at seksing actress ng isang gabi kamakailan lang.

Nagkasama sila sa isang party at pagkagaling sa party na ‘yon, tuloy na sila sa kanilang date.

Pero ang date na ‘yon ay hindi nasundan.

Kung bakit, hindi pa namin batid kung sino ang na-turn-off kanino.

* * *

Ganyan din ang nangyari sa isang beauty queen at isang sikat na basketball player.

Nagkita rin sila sa isang party sa isang four-star hotel sa may Roxas Boulevard.

Nagkalasingan at maya-maya, umakyat na sila sa kuwarto ng beauty queen.

At siyempre pa, nangyari ang dapat mangyari.

Pero ang date na ‘yon ay hindi na nasundan pa.

Umayaw agad si beauty queen.

Bakit?

Ipinagkakalat ni beauty queen na hindi raw siya nasiyahan kay popular player.

Saan kaya siya hindi nasiyahan?