Milo Checkmate sa Southern Luzon simula bukas

Ilalarga ng Milo Checkmate ang kanilang anim na araw na provincial summer classes sa Abril 10-16 sa apat na lugar sa Southern Luzon.

Ang chess classes ay idaraos sa BSU ARASOF College Library sa Bucana, Nasugbu, Batangas-7:30-11:30am; PCU-Dasmariñas Asian Mission Center sa Pala-pala, Dasmariñas, Cavite-1:30-5:30pm; De La Salle Lipa Hacienda/Quadrangle sa Lipa City-7:30-11:30 am at University of Batangas College Gym sa Hilltop, Batangas City-1:30-5:30 pm.

Ang mga enrollees ay maaaring magtungo sa venue site o kaya ay tumawag sa Metropolitan Chess Club, Manila office sa 8268560 o 09198521069.