NSA magsasagawa ng 4 day, 10 sports clinic sa Marinduque

Aabot sa 200 coaches at trainers mula sa lahat ng munisipalidad ng Marinduque ang magsasama-sama sa Gasan, Marinduque ngayon para sa apat na araw na ten-sports clinic na pangangasiwaan ng mga eksperto mula sa National Sports Associations (NSAs).

"My administrator’s thrust is to promote sports as an instrument in combating the proliferation of illegal drugs and their inherent threat to our youth, in particular, and the society, in general," wika ni Mayor Victoria Lao Lim ng host Municipality ng Gasan.

Ang Gasan ay kilala sa kanilang Moriones Festival sa pagdaraos ng Semana Santa.

Pangungunahan nina Olympians at Asian Games athletics gold medalists Claro Pellosis at Pete Subido ang panel ng speakers sa clinic na inorganisa ng Philippine Sports Commission.

Ang iba pang NSA experts at ng kani-kanilang sports na dadalo ay sina Rogelio Santos (arnis); Judith Brosula (badminton); Leopoldo Cantancio (boxing); Jerswin at Ann Poloyapoy (dance sports); Arthur Garchitorena (little league baseball); Letty Gempisao (little league softball); Hector Sentillas (sepak takraw), Jose Labing Jr., (taekwondo) at Alma Jocson (v’ball).