2005 SEAG hosting Ok na kay GMA

Opisyal nang tinanggap ng Malacañang ang pagho-host ng bansa sa 2005 Southeast Asian Games, isang magandang balita para sa Philippine Sports Commission (PSC) at Philippine Olympic Committee (POC).

"On behalf of the Philippine Government and the Filipino people, I officially accept the hosting of the 23rd Southeast Asian Games (SEAG) in the Philippines in 2005," pahayag ni Pangulong Gloria Macapagal Arroyo sa kanyang liham na may petsang Marso 11, 2002 na kanyang personal na nilagdaan.

"The Philippine Government shall coordinate closely with the Philippine Olympic Committee, which is a member organization of the SEA Games Federation, to ensure that the 2002 SEA Games is held successfully to the benifit of all participating athletes in the Southeast Asian region," dagdag nito.

"This official acceptance by President Arroyo (para sa pagho-host ng 2005 SEAG) should unite the entire Filipino nation and lead to a resurgence in Philippine Sports," wika ni Dayrit.

Sinabi ni Dayrit na personal nitong ipri-prisinta sa SEAG Federation Council sa kanilang pagpupulong sa Hanoi, Vietnam sa Abril 13, 2002.

"I welcome the Palace’s decision," ani Buhain. "Now we can start preparations to ensure that the 2005 SEA Games are held smoothly."

Sinabi ni Buhain na bubuo ito ng komite mula sa PSC upang simulan na ang trabaho na makikipag-ugnayan naman sa kanilang counterpart mula sa POC.

Samantala, magpupulong ngayon ang mga pinuno ng National Sports Association para sa General Assembly ng POC sa Cafe J sa Makati para kung saan inaasahang tatalakayin ang preparasyon ng bansa para sa 2002 Asian Games na gaganapin sa Busan, South Korea sa September.