Center for Sports Communications seminar

Pagkatapos ng pagtitika’t pagmumuni-muni sa Semana Santa ay pagtutuunan naman ng pansin ang pagpapaunlad ng broadcasting skills sa 2002 edition ng Center for Sports Communications seminar na gaganapin sa Development Academy of the Philippines mula Abril 1 hanggang 3.

Ang seminar na suportado ng PBA, Talk ‘N Text, Shell Velocity, Welcoat Paints, Selecta Ice Cream at Regine Detergent, ay katatampukan ng modules sa voice development, sportscasting for radio and television, newscasting, commentating, on-cam experience at iba pa.

Nagsimula na ang registration at napagkasunduan ng organizers na tumanggap lamang ng 40 students. Ang mga interesadong dumalo sa seminar ay maaaring magtungo sa Bright Skies Office sa Unit 207 Remedios Bldg., No. 55 Roces Avenue, Quezon City o makipag-ugnayan kay Judith Acebron sa 3719765 o 3731974.

Kabilang sa mga broadcasters na magsisilbing speakers at facilitators sa seminar ay sina Joaquin Henson, Bill Velasco, Mon Liboro, Benjie Santiago, Noel Zarate at Barry Pascua.