158 aspirante sa PBL Rookies Camp

Umabot sa kabuuang 158 aspirante ang nakatakdang magpakita ng kani-kanilang talento sa gaganaping PBL Rookie Camp ngayong alas-8 ng umaga hanggang alas-11 ng tanghali sa Makati Coliseum.

Ang lahat ng aspirante ay kailangang magdala ng kani-kanilang playing uniforms sa tryout kung saan sasalain ng mga PBL coaches ang kani-kanilang husay para sa Rookie Draft na nakatakda sa Marso 11.

Sumali sa listahan ng aplikante ang mga mahuhusay na manlalaro mula sa Universities Athletic Association of the Philippines (UAAP) at National Collegiate Athletic Association (NCAA).

Kabilang dito sina UST’s 6’4 Christian Pierce Luanzon, Serafin Matias, 6’3 Michael Louie Buendia, 6’0 James Anthony Ongpin, 6’3 Lago James Raterta at 6’2 Glen Maching, FEU’s Rhagnee Sinco, James Zablan, 6’6 James Rozon, Raymond Fabia, Vincent Canlu at 6’3 Cesar Catli, Adamson’s 5’10 guard Franlix Briones, La Salle’s 6’2 Oscar Bunyi; National University ‘s 6’3 guard Randy Baculado, Joseph Galongca at 6’5 Reynaldo Mendoza, PCU’s Alwyn Ilagan, Jose Rizal University’s Joel Villarin at Joel Finuliar at San Sebastian’s 6’2 swingman Francis Dominic Nadela.

Karamihan sa mga aplikante ay nakapagpakita na ng aksiyon sa PBL Juniors, Philippine Youth Basketball League (PYBL) o ng PBL Open. Kabilang dito ang University of Assumption’s 5’10 guard Vincent Santos, 6’2 Welihado Duyag Jr., MLQU’s Theody Habelito at Las Piñas College’s John Paul Alcaraz, Joel Gragasin at Jhembel Gican.

Ang iba pang aspirante ay sina 5’10 MVP Jeffrey Franco ng Cagayan Colleges of Tuguegarao, 6’5 Joel Solis ng DLSU-Dasmariñas, 6’9 Eman Somigue of University of Mindanao, 6’4 Rey dela Victoria ng University of Cebu, 6’0 Jovit Gomez ng Divine Ward College of Legazpi, 6’3 Ardy Larong ng University of San Jose-Recoletos, Rudolf Eilinger of University of Baguio, 6’4 Emmanuel Hogue ng DLSU-Dasmariñas, 6’5 1/2 Alejandro Quimson IV ng PSBA at Nizar Kiram ng St. Francis of Assisi College.

Mayroon ring mga Fil-Foreigners na umaasa na makakapasok sa PBL. Ito’y sina Tom Arceno ng Valencia Community College, Illinois, 5’9 Anthony Fajardo ng FCCT Florida Community College, 6’0 guard Antonio Reyes ng Queensland University Tech of Australia, Jerry Encomienda ng Vinlennes University Brementon in Washington, Christopher Shaun Martin ng British Columbian Institute, 6’2 guard Richard dela Peña ng Mount Royal College, Canada at Lorenz Albano ng Hunter College, anak ni dating Letran Knight Larry Albano.