Inihayag ng Matchroom Sports, promoter ng nasabing tournament na isa si Nepomuceno sa 16 manlalaro mula sa 13 bansa na umentra sa Masters. Napagwagian ni Nepomuceno ang nasabing titulo noong 1999 kung saan siya ay pinag-kalooban ng Philippine Legion of Honor medal. Tumapos rin siya ng 3rd place sa tournament na ito noong nakaraang taon.
Bawat taon, tumataas ang premyo ng World Tenpin Masters at ngayon ay umabot na sa $60,000 na ang mananalo ay mag-uuwi ng tseke na nagkakahalaga ng $30,000.
Ang format ng tournament ay straight knockout sa bawat laban sa dalawang laro at ang kabuuang pinfall ang siyang magdedetermina ng mananalo.