6 boksingerong Pinoy pa-Azerbaijan

Anim na boksingero sa pamumuno ng mga may edad na ngunit maasahan pa ring sina Romeo Brin at Anthony Igusquiza ang nakatakdang umalis ngayon upang sumabak sa mahigpitan at prestihiyosong Prof. Anwar Chowdry Cup sa Baku, Azerbaijan bilang preparasyon ng Team Philippines sa nalalapit na Asian Games ngayong Setyembre sa Busan, Korea.

At dahil ang nakataya sa tournament na ito ay ang slot para sa National delegation, inaasahang ibubuhos lahat ng mga boksingero ang kani-kanilang lakas upang mapagtagumpayan ang hamong ibibigay ng mga mahuhusay na fighters mula sa Asia at Europe. Sisimulan ang nasabing boxing festival na ito sa Marso 5-10.

Kakampanya si Brin at Igusquiza sa 63.5 kgs., at 60-kgs., ayon sa pagkakasunod, habang lalahok naman sina HarryTanamor sa 48kgs., Violito Payla sa 51-kgs., Vincent Palicte sa 54-kgs., at Roel Laguna sa 57-kgs.

Pangungunahan ni Lopez ang delegasyon kasa-ma sina coach Gregorio Caliwan, assistant coach Nolito Velasco at referee/judge Rogelio Fortaleza na may suporta ng Philippine Sports Commission, Pacific Heights, Adidas at Revicon.