Bustamante, Andam nanalasa uli

DUBAI, United Arab Emirates -- Ipinagpatuloy nina Francisco "Django" Bustamante at Leonardo "Dodong" Andam ang kanilang pananalasa noong Martes nang umusad sa semifinals ng First Fujairah International Billiard Tournament dito.

Makakaharap ni Bustamante ang multi-titled na si Johnny Archer ng Amerika, habang sasagupain ni Andam ang top-ranking world pro na si Alex Lely ng Holland sa 9-ball semis match ngayon.

Tinalo ni Andam ang Italyanong si Fabio Petroni, 11-6, habang dinispatsa naman ni Bustamante si Pitugo ‘Percy" Bartolome, 11-4 sa ikatlong araw ng tournament na may nakalaang kilo-kilong ginto sa mga mananalo at runners-up. Si Bartolome ay isang Pinoy na naka-base sa U.A. E.

Magpapamalas naman si Efren "Bata" Reyes ng mga trick shots at lalaro sa isang exhibition matches bilang special guest sa nasabing tournament.