Bustamante, Andam umiskor sa U.A.E rivals

DUBAI, United Arab Emirates - Kapwa umiskor sina Francisco "Django" Bustamante at Leonardo "Dodong" Andam ng magaang na panalo kontra sa U.A.E rivals sa opening ng First Fujairah International Billiard Tournament dito noong Linggo.

Tinalo ni Bustamante si Al Haji, 11-2 at ginapi naman ni Andam si Al Junibi, 11-6 at umusad sa second day ng 9-ball meet na nilahukan ng 16 top players mula sa iba’t ibang bansa para sa ka-kaibang premyo na ginto at tropeo.

Ang mananalo ay mag-uuwi ng isang kilong ginto at tropeo, kalahating kilo naman sa 2nd placer, habang ang 3rd at 4th placers ay tig-1/4 ginto.

Hindi lumaro si Efren ‘Bata’ Reyes na siyang nanguna sa koponan kung saan siya ay inimbitahan sa nasabing tournament para maging special guest at lalaro lamang ito ng mga trick shots at exhibition matches.