Sy muling nahalal na PBL Chairman

Muling nahalal si DSS Productmakers Inc., CEO Dioceldo S. Sy bilang Chairman ng Philippine Basketball League sa ginanap kamakailan na Team Owner’s meeting sa Edsa-Shangrila Hotel.

Umaasa si Sy, kapwa may-ari ng dalawang koponan sa PBL ang Blu Detergent at ang back-to-back Challenge Cup champion Shark Energy Drink na kanyang mapapalakas ang programa ng PBL katulong si PBL commissioner Chino Trinidad para sa 2002 season.

Nailuklok rin bilang Vice-chairman si Lamoiyan Corporation president at CEO Cecilio K. Pedro na siyang pumalit kay Welcoat’s Raymundo Yu, habang si Shark team manager Jesse Chua ay nanatili sa kanyang puwesto bilang tresurero kasama si Kutitap team manager Bernard Yang na humalili naman kay Welcoat’s Dennis de Guzman.

Nanatili rin si Atty. Noli Eala bilang Corporate Secretary.