Tolomia, Ybañez co-finals MVP

Inihalal ng mga miyembro ng Philippine Basketball League Press Corps sina pro-bound Chester Tolomia at Warren Ybañez bilang Most Valuable Player ng best-of-seven Challenge Cup finals series.

Sina Tolomia, nakuha at pinapirma ng Barangay Ginebra ng kontrata noong nakaraang buwang PBA Annual Draft at Ybañez ay naging susi ng Shark Energy Drink sa pagkopo ng kanilang ikalawang PBL title sa pamamagitan ng 4-1 panalo sa serye kontra Welcoat Paints.

Napili naman sina Shark coach Leo Austria at Ana Freezers mentor Rudy Mendoza bilang co-Coach of the Year dahil sa magandang kampanya ng kani-kanilang koponan.

Mula ng hawakan ni Austria ang Power Booster, dalawang taon na ang nakakaraan, nadala niya ang koponan sa apat na sunod na championship appearances na nagkaloob sa kanyang ng dalawang korona na pawang mula sa Welcoat.

Sa kabila ng mahinang line-up,nadala naman ni Mendoza ang Ana sa finals ng 2001 Chairman’s Cup.