Dumepensa ang Stags sa tagumpay nina Conrado Amita na nagtala ng 6-1, 6-2 panalo kontra Niño Salvador sa unang singles at nakipagtambal ito kay Arvin Ruel na umiskor ng 6-0, 6-0 panalo laban sa tambalang Chester Vicencio at Hercules Aguanta sa doubles, habang magaang namang naipanalo ng Staglets ang kanilang doubles match ng hindi sumipot ang kalaban ni Edgardo Banaag na si Vicencio sa ikalawang single match.
Sa iba pang laro, ginapi ng Mapua Institute of Technology ang University of Perpetual Help-Rizal, 3-0.
Diniskaril ni Raffy Santiago si Dennis Canaria, 6-2, 6-2 sa unang singles, bago nakipagpareha kay Roger Rodolfo upang talunin ang duo nina John Motil at Canaria, 6-1, 6-1 sa doubles.
Kinumpleto ni Flint Almiron ang pananalasa ng Cardinals ng kanyang iposte ang 8-0 panalo kontra Motol sa second single match.