NM Nava, hari ng 3rd SCA chessfest

Pinataob ni top seed National Master Roderick Nava ng Carmona, Cavite si third seed Oliver Dimakiling ng La Salle-Taft sa penultimate round at nakipaghatian ng puntos kay Las Piñas City bet Jasper Alzona sa final round upang maghari sa 3rd Southern Chess Association (SCA) Biñan individual chess tournament noong Linggo na ginanap sa Olivarez Plaza sa Biñan Laguna.

Kumpiyansang isinulong ng 16-anyos na si Nava, isang graduating student ng Car-mona, Cavite National High School ang Queens Pawn Opening upang basagin ang seldom-used na Blumenfeld Counter Gambit ni Dimakiling na nagtapos sa 45 sulungan.

Nakuntento naman sa pakikipagtabla si Nava kay Alzona sa huling laro upang makalikom ng pitong puntos, dalawang draw sa siyam na laro na nagkaloob sa kanya ng korona sa event na ito na nilahukan ng 96-man field.

Pinarangalan din si Ivan Gil Biag na nagwagi bilang top kiddie performer.