Ang monthly tournament na ito ay bukas sa lahat ng untitled chess players na may NCFP o MCC ratings na hindi tataas ng 2100 kahit na anong edad at kasarian.
Nakataya sa isang araw na torneong ito ang total pot na P10,000 kung saan ang kampeon ay mag-uuwi ng P3,000 at tropeo.
Ang ikalawa hanggang ikaapat na puwesto ay tatanggap naman ng P1,500, P1,000 at P700 ayon sa pagkakasunod.
May special prize na P500 sa mga best performer ng mga sumusunod na kategorya: 2000 pababa, 1800 pababa, unrated, junior (13 gulang pataas) at kidies (12-gulang pababa).
Ang mga lahok ay tinatanggap sa venue site hanggang sa Linggo isang oras bago magsimula ang torneo sa ganap na alas-10:00 ng umaga.
Para sa karagdagang detalye, tumawag sa MCC sa 826-8560.