Kilala ng karamihan si Brown dahil ito ang reinforcement ng TJ Hotdogs sa Governor’s Cup noong 2000 kung saan tinanghal itong Best Import kaya’t muling ibinalik ito noong nakaraang season.
Isang bagito naman si White na galing sa Southern University, ay nailistang may 6’7 height. Naglaro ito sa Sioux Falls Skyforce sa Continental Basketball Association.
Sa kanyang kampanya sa CBA, ito ay may average na 14.2 points at 14.5 rebounds. naging no. 53 pick ng Los Angeles Clippers sa National Basketball Association noong 1993.
Ilan sa mga nakasama nito sa CBA na nakapaglaro na sa PBA ay sina Sean Higgins at Ryan Fletcher na naglaro sa Ginebra, Harold Ellis sa Pop Cola, Carlos Strong sa Mobiline.
Sinikap na muling ibalik ng TJ Hotdogs si David Wood, ang kanilang naging import sa Commissioner Cup noong nakaraang taon ngunit sila’y nabigo dahil naka-commit na ito sa Spanish League.
Pupunan nina Brown at White ang pagkawala nina Noy Castillo at Andy Seigle na ipapahiram ng TJ Hotdogs sa National pool kung saan pipiliin ang RP team na sasabak sa Busan Games sa South Korea sa September.
Sapul nang italaga si National coach Jong Uichico kapalit ni Ron Jacobs na nasa ospital pa rin matapos atakihin noong Disyembre, ay ngayon pa lamang nito titipanin ang mga players.
Hindi makakasama sa practice sina Danny Ildefonso, Kenneth Duremdes at Olsen Racela dahil sa kani-kanilang mga injuries ngunit sasailalim ang mga ito sa rehabilitation program sa training facility ng Moro Lorenzo.(Ulat ni Carmela Ochoa)