Milo Checkmate sa St. Benedict College

Punong-abala ang St. Benedict College para sa unang Milo Checkmate Saturday-only clinic sa Muntinlupa City simula sa Sabado, Enero 19 hanggang Pebrero 24.

Ang clinic na matatagpuan sa loob ng Alabang Hills, ay gaganapin ng apat na sunod na Sabado at isang araw ng Linggo mula alas-7:00 hanggang alas-11:00 ng umaga sa High School student lounge.

Maaaring makibahagi ang mga chess enthusiasts na may edad na 5-gulang pataas sa mga kalapit na lungsod at probinsiya tulad ng Pasay, Parañaque, Las Piñas, Taguig, Laguna, Cavite at Batangas.

Magsisimula rin sa Sabado ang klase sa Rizal Memorial Sports Complex (Badminton Building), Vito Cruz Manila sa alas-9:00 ng umaga hanggang ala-una ng hapon.

Ang clinic sa San Juan ay mula alas-2:30 hanggang alas-6:30 ng gabi sa ikalawang palapag ng Centermall, Greenhills Shopping Center. Ang huling araw ng pagpapatala ay sa Enero 26. Maaaring tumawag sa Metropolitan Chess Club sa 826-8560.