Nakatakda ang engkuwentro ng ABS-CBN at ng RCBC sa alas-10 ng umaga.
Isang malaking upset na panalo ang kapwa naiguhit ng BIBATO champion ABS-CBN at ng RCBC sa cross-over semifinals noong Sabado matapos na patalsikin ang powerhouse San Miguel Beer at ang host The Philippine Star na pinangangasiwaan ni Kevin Belmonte at suportado ng Adidas ay tumapos ng No. 1 at No. 2 team, ayon sa pagkakasunod.
Tinalo ng ABS-CBN ang STAR-men sa iskor na 72-83, habang nalasap ng San Miguel quintet ang 87-85 kabiguan sa mga kamay ng RCBC.
Inaasahan na magiging paborito sa labang ito ang ABS-CBN dahil sa kanilang mga batang manlalaro na inaasahang naghanda ng husto.
Isa sa gagawing sandata ng ABS-CBN ay ang kanilang running game na siyang pumatay sa STARmen at ito ang kailangang tapatan ng RCBC.
Siguradong mangunguna sa opensa ng TVmen si San Pedro, katulong si Garret Cailles at ito ang dapat na ma-check ng RCBC.
Nauna rito, pag-aagawan naman ng San Miguel at STARmen ang konsolasyong ikatlong puwesto sa alas-8:30 ng umaga. (Ulat ni Maribeth Repizo)