5 ginto hinakut ng Cebu

BACOLOD CITY-Sa ikalawang araw ng ak-siyon, humakot ng limang gintong medalya ang Cebu Province sa pangunguna ni Jenessa Ver-gara na naging kauna-unahang double gold medalists, upang mamuno sa medal standings ng 3rd Philippine National Youth Games-Batang Pinoy.

Sa pagbubukas ng aksiyon ng karatedo noong Linggo sa Tali-say Sports and Cultural Center, apat na gold ang sinikwat ng Cebu Province mula sa limang golds na nakataya, kabilang ang tagumpay ng 9-gulang na si Vergara sa girls’ 8-10 years old kata event at 9-year old kumite.

Tinalo ni Vergara ang kasamahang si Merwin Regis sa 8-10 yrs. old division bago ito nagbalik upang igupo si Jamaica Corral ng San Juan sa 9-yers old category.

Bagamat naka-dalawang golds kahapon ang Zamboanga City, naging signipikante ang tagum-pay ni Adela Mabala, dagdag sa naunang golds nina Vergara, Lovely Vale-sa sa girls’ 12-yrs Kata at James Montes Carlos sa boys division upang kunin ang pangkalahatang pangunguna.

Tinalo ni Mabala si Jelly Eso ng host Bacolod na nauna nang naka-bronze sa 11-yrs. old kata.

Naging double-gold medalists din si Gian Paolo Novor na sumikwat ng gold medal sa boys’ 8-10 yrs. old kata kontra kay Troy Manayon ng Cebu City sa 8-year-old kumite kontra kay Mark Cabisas ng Angeles City noong Linggo.

Itinayo naman nina Angelo Fernandez at Jonamarie Galvez ang ban-dila ng Zamboanga City sa kanilang magkahiwalay na tagumpay sa 9-yrs. old kumite ng boys at girls’ division, ayon sa pagkakasunod.

Tinalo nina Fernandez at Galvez sina Juvilyn Bardiaga ng Santiago City at Rexor Romaquin ng Cotabato Province, ayon sa pagkakasunod na parehong nagkasya la-mang sa bronze medal.

Bukod sa Zamboanga at Zambales, nakadalawang gold na rin ang Manila at ang host na Bacolod.

Inihatid ni Joesa Mae Duran sa host City ang ikala-wang gold sa kanyang ta-gumpay sa 8-yrs., old kumite matapos igupo si Remelyn Fuentes ng Iloilo bilang karagdagan sa naunang gold ni Rommel Fuene.

Sa iba pang naka-gold sa karatedo ay sina Alexandria Anacan ng Rizal Province, George Segundo Jr., ng Baguio City at Jonathan Sotto ng Nueva Ecija.

Pahinga kahapon ang athletics event na nagbigay daan sa pagdaraos ng isang araw na palaro para sa mga kabataang may kapansanan na nilahukan ng Bacolod City Special Education at Cadiz City SPED.

Pinagwagian ng Bacolod ang naturang palaro sa pagkopo ng 14 golds sa 14 events na pinaglabanan.