Pinoy karatekas patungong Perth at Singapore

Dalawang Philippine Karatedo Teams ang magpapakita ng aksiyon sa World Goju Kai Karatedo Championship sa Perth, Australia at sa Asia Pacific Shitoryu Championship sa Singapore, ayon sa pagkakasunod, ngayong linggo, ayon sa Association for the Advancement of Karatedo (AAK). Ang dalawang koponan ay aalis bukas.

Kabilang sa 22 atletang aalis para sa World Goju Kai Championship sa Perth, Australia sa Nov. 30 hanggang Dec. 2 ay ang kasalukuyang National Open-70 kg Kumite Champion Joel Mallilin, National Open Kata Champion Stephanie Carol Lim at dating SEA Games medalist Kristina de Jesus, Daryl Ray Dumayas, 12-anyos gold medalist at outstanding competitors Vincent Pante, Mark Anthony Teneza, Norman Montalvo, Raissa Velasquez, Muriel Farinas at Samantha Lexie Saldajeno at kasama nila ang kani-kanilang mga magulang at walong opisyal sa pangunguna ng Branch Chief of the International Karatedo Goju Kai Association Richard Lim.

Samantala, walong atleta ang lalahok naman sa Asia Pacific Shitoryu Karatedo Championship na gaganapin sa Nov. 30-Dec. 2 sa Singapore na kina-bibilangan nina National Open Kata Champion Stephen Chua, Raoul Emmanuel Resurrecion, Celeste dela Cruz, Mikka Velasquez, Francis Teneza at Camilla Pante. Sila ay sasamahan ng apat na opisyal sa pangunguna nina AAK Chairman Pocholo Veguillas.