4th Greenhills Shopping Center Christmas Chess Bonanza

Nakatakdang makipagpigaan ng talento ang ilang mahuhusay na untitled chesser sa loob ng National Capital Region at sa kalapit na probinsiya sa pagbubukas ng 4th Greenhills Shopping Center Christmas Chess Bonanza sa Dec. 8 sa Greenhills West Association’s covered court sa Roosevelt corner Adams St. San Juan.

Bukas para sa lahat maliban lamang sa mga tituladong players, ipagkakaloob ng organizing Ortigas and Company Chess Club ang P20,000 cash prize at gift certificates at karagdagang dalawang Trium cellular phones sa best male at female performers sa isang araw na seven-round Swiss System event na ito.

Mag-uuwi ang mananalo ng P4,000 at P1,000 halaga ng grocery items hatid ng Unimart at cellphone, habang ang ikalawa at ikaapat na placers ay tatanggap naman ng P1,000 gift certificate at cash prize na P3,000, P2,000 at P1,000 ayon sa pagkakasunod.

Ang mga mananalo sa iba pang kategorya gaya ng 1900-and-below, 1800-and-below ladies, juniors, veterans and kiddies ay pagkakalooban ng tig-P500.