Greenhills Shopping Center Christmas Bonanza

Kabuuang P20,000 at dalawang Trium cellular phones ang nakataya sa 4th edisyon ng Greenhills Shopping Center Christmas Chess Bonanza na magbubukas sa Dec. 8 sa Greenhills, West Association’s covered court sa Roosevelt corner Adams St., San Juan.

Bukas para sa lahat ng untitled chessers sa lahat ng edad, ang mananalo sa isang araw na seven-round Swiss System events ay tatanggap ng P4,000 cash at P1,000 halaga ng grocery items sa Unimart Supermarket at cellphone na hatid ng Orange Com.

Kasalukuyan ng ginaganap ang patalaan sa event na ito na hatid ng Unimart, Gets Bros., Orange Com., Pepsi Cola at Mr. Donuts sa 2nd floor ng PCIBank Arcade sa GSC Complex, ang sinumang interesado ay makipag-ugnayan kay Noemi Tabamo o Lito Concepcion sa tel. nos. 7210572, 7226795 at 7264487.

Bukod sa mga gift certificates na nagkakahalaga ng P1,000, tatanggap naman ang second hanggang fourth place ng P3,000, P2,000 at P1,000, ayon sa pagkakasunod, habang bibigyan naman ng cellphone ang mga top lady chesser.

Mag-uuwi rin ang mga mananalo sa iba pang kategorya gaya ng 1900-and-below, 1800-and-below, ladies, juniors, veterans at kiddies ng P500 at libreng snacks sa lahat ng kalahok na limitado lamang sa 200 sa first come, first serve basis.