San Beda-Sunnex, Sales Glass-PCU sa Atienza Cup

Kapwa humugot ng panalo ang San Beda-Sunnex, Sales Glass-PCU at Silka Whitening Soap laban sa magkahiwalay na katunggali sa pagbabalik ng aksiyon sa Atienza Cup II basketball tournament kamakailan sa Cuneta Astrodome.

Ang Bedans na hawak ni coach Rene Baena ay namayani kontra sa Julius Penafrancia-coached Mercado Builders, 80-77, habang ang Sales Glass-PCU ay nanaig laban sa koponan ni playing-coach-manager Mike Mansilla na Tpi Oil, 71-57 at ang Silka ay nag-debut sa pamamagitan ng 89-69 na panalo sa SBC-Goody.

Ang naturang panalo ay pangalawa para sa SBC-Sunnex sa Millenium Basketball League-organized cage tourney kaya’t nakuha nitong dumikit sa solo leader na Spring (2-0) sa standings. Tangan na ngayon ng Sales Glass ang 1-1 win-loss record.