Realtors itutuloy ang pananalasa laban sa Talk N Text

Layunin ng Sta. Lucia Realty na ipagpatuloy ang kanilang pananalasa sa kanilang pakikipagharap ngayon sa Talk N Text Phone Pals sa pagpapatuloy ngayon ng PBA Governor’s Cup sa PhilSports Arena.

Tampok na laro ang engkuwentro ng Phone Pals at Realtors na sisimulan sa dakong alas-6:10 ng gabi.

Pinakamainit na koponan ngayon ang Sta. Lucia dahil sa kanilang anim na sunod na panalo, ang pinakahuli ay kontra sa Barangay Ginebra, 121-118 sa isang overtime game kamakalawa sa Araneta Coliseum.

Mauuna rito, hangad namang makabangon ng defending champion San Miguel Beer sa tatlong sunod na kabiguan sa kanilang pakikipagharap sa Shell Velocity sa ganap na alas-4:05 ng hapon.

Ang Phone Pals ay may 4-2 record habang ang Turbo Chargers ay nag-iingat ng 3-2 kartada. Ang San Miguel naman ay may 2-3 karta.