Jeepney King Challenge gugulong na

Gugulong sa kauna-unahang pagkakataon ang Shell Rimula J-Jeepney King Challenge ngayong Linggo sa North Montilla Drive, Butuan City.

Malalaking cash prizes ang nakatakdang mapanalunan sa tournament proper pati na sa Best Dressed Jeepney side event maliban pa sa iba’t ibang Shell product gaya ng Shell Rimula J Oil, Shell Super brake fluid at t-shirt.

Inilulunsad sa pakikipagtulungan ni City mayor Daisy Plaza, City councillors, Shell dealers/distributors, nina Shell transport sector manager Ernesto Lopez at account executive Bong Bonilla, ang Butuan leg ay suportado ng Shell Rimula J, Fuji Film, Nature Spring, Coca-Cola Bottlers, Wild FM 98.5, Dunkin Donuts Butuan, Dothy’s Place hotel & resto at Norkis Yamaha.

Ang registrasyon ay magsisimula ng alas-7 ng umaga. Ito’y libre kung may dalang isang litro ng Shell Rimula J sa pagpapatala.