Titans taob sa Philab

Nagpamalas ng impresibong pitching ang beteranong si Cris Canlas sa pamamagitan ng two-hitter job sa nine inning nang igupo ng Philab ang Titans, 12-2 upang palakasin ang kanilang kampanya sa second round ng hostilidad ng 12th PABA Presidential Cup tournament noong Linggo sa Rizal Memorial Ballpark.

Bukod sa three-hits ball na kinabibilangan ng run-scoring double sa fourth inning, nagawang pigilan ni Canlas ang kanilang kalaban na makarating sa base matapos na mapatalsik ang limang batters, napalakad ang limang iba pa sa nine inning no-relief job.

Maagang kinuha ng Ballbusters ang kanilang kalamangan sa 2-0 na siya nilang ginawang sandigan sa kanilang ikaapat na panalo matapos ang anim na laro.