Fil-Am Friendship exhibition games kinansela

Dahil sa hindi magandang klima ng panahon, kinansela ang nakatakdang tatlong larong exhibition bilang pakikiisa sa pagdiriwang ng Filipino-Amarican Friendship games ng PABA matapos na mabasa ang Rizal ballpark at delikadong paglaruan.

Ang isang araw na pagtitipon ay pinalitan na lamang ng baseball clinic na pinangasiwaan ng bisitang American major league coaches sa pangunguna ni Fil-Am Jim Ramos at Dennis Bonebreak.

Kasabay nito, muling ipag-papatuloy ang mga laro sa kasalukuyang Presidential Cup tournament kung magiging maganda na ang lagay ng panahon sa Sabado at Linggo.

Samantala, mahigit sa 30 nagsipagtapos ang tumanggap ng kani-kanilang certificate of completion ngayon matapos na dumalo sa tatlong linggong baseball clinic na ginawa ng major league coaches.