Sa PYBL, Bravo namuno sa UP-Waterfront

Muli na namang namayagpag si Michael Bravo upang ihatid ang University of the Philippines-Waterfront sa ikaanim na panalo kontra sa Spring Cooking Oil, 70-59 kahapon sa 1st Crystal Spring PYBL Title Cup sa Makati Coliseum.

Kumana si Bravo ng 23-puntos at tatlong rebounds upang masiguro ang pagi-ging no. 1 team ng Hoteliers sa elimination round habang nag-ambag naman si Rob-son Bornancin ng 14-puntos.

Nauwi sa wala ang 17-puntos at 6-rebounds ni Gregorio Dural dahil sa bumagsak sa 3-4 karta ang Spring Cooking Oil.

Sa iba pang laro, tuluyan nang naungusan ng UP-Waterfront ang University of Assumption-Goldilocks nang bumagsak ito sa ikatlong puwesto matapos talunin ng Regent Chess Balls, 68-66.

Bunga nito, kapwa nagta-taglay ang UP Waterfront at Assumption-Goldilocks ang magkatulad na 5-2 win-loss slate. (Ulat ni Carol Fonceca)