Purefoods ibinenta na,3 team hindi puwede

Ayon kay PBA acting Commissioner Sonny Barrios, nasa kamay ng PBA Board of Governors ang magiging kapalaran ng Purefoods at pinag-diinan n’ya na walang anumang PBA team ang maaaring magkaroon ng higit sa dalawang franchises.

"Puwedeng ibenta ng San Miguel yung franchise sa taga-labas, at puwede rin namang to another PBA team. But it’s really up to the approval of the board," dagdag ni Barrios, na nagpahayag din ng panalangin para sa madaling recovery ni Commissioner Jun Bernardino.

Binili ng San Miguel kamakailan ang Purefoods Corporation subalit kapwa hindi pa napagdedesisyunan ng board members ng San Miguel at Ginebra ang kapalaran ng koponan ng Purefoods sa PBA.

"We’re all hoping that Purefoods’ fate will be resolved as soon as possible. Nothing has yet discussed with finality, that’s why Purefoods haven’t scouted an import for the second conference. Also four of its players have expiring contract, among them are Alvin Patrimonio and Andy Seigle," paliwanag ni Barrios.

Ang PBA Board pa rin ang may huling salita kung Welcoat Paints o iba pang kompanya ang maaaring mag-take over sa franchise ng Purefoods.

Maalalang, pinayagan lamang ang San Miguel na magkaroon ng dalawang franchises dahil sa muntik nang magkaroon ng lilimang teams na maglalaban-laban sa PBA.

"But the scenario now is different. I just hope that the Purefoods issue will be resolved at the soonest time. Purefoods will be allowed to stay up to the end of the year as our policy states that resigning members should do their leave only at the end of the season."

"Most likely, we’ll have nine or 10 teams next season. If Purefoods leaves, Welcoat’s application could be entertained but everything is really up to the board," wika ni Barrios.