20 athletes nagtapos sa Summer Youth Training Camp

LAOAG, Ilocos Norte--Aabot sa 20 athletes ang nagsipagtapos sa Third Philippine Sports Commission (PSC) Summer Youth Training Camp ang isinama na sa national developmental pool ng mga trainers mula sa Philippine Amateur Track and Field Association (PATAFA) at Philippine Amateur Swimming Association (PASA).

Inihayag kahapon sa isang makulay na closing ceremony sa Marcos Sports Stadium dito, ang mga pangalan ng mga atleta kasama ang kani-kanilang mga records sa mga events na nilahukan sa pag-tatapos ng 22-araw na camp.

Kasama sa top ten athletics campers sina Joba Botana, Vilma Butac, Hanna Erika Sia, Loranlyn Alonso, Sharon Calventas, Recson Madrid, Allaloid Lumabao, Ravin Dalog, Melchor Ayon-Ayon at Tyrone Ng na pawang naka-higit sa personal best sa Philippine juniors record sa kani-kanilang events.

Napasama naman sa top ten swimmers sina Henrico Jose, Ma. Isabela Casihan, John Bryle Zapanta, Dominique Balinas, Sadeg Neihum, Angela Luz Tuble, James Guinto, Frances Ayra de Guzman, Raymon Montebon at Doren Marie Peronilla.

Hinirang naman sina Botana ng Leyte at Jose ng Legaspi City na most outstanding athletes ngayong taong edisyon ng summer youth training camp.