18 softball players inirekomenda sa National team para sa World qualifying sa Japan

Nagkakaisang inerekomenda ng mga opisyales at miyembro ng Softball Umpires Association of the Philippines (SUAP) sa pangunguna ng kanilang presidente na si Demy Sancon at Consultant Jack Panopio ang 18 manlalaro na lumahok sa katatapos pa lamang na National Open Women’s Softball Championships na ginanap sa Malolos City bilang mga kandidato para sa National team na sasabak naman sa World qualifying tournament sa Osaka, Japan sa Agosto.

Ang mga inirekomenda ng SUAP ay sina Ediltrudes Avenido, Ma. Corazon Soberre, Yancy Fabula, Nimpa Baral, Marites Arahan, Janebeb Balbuena at Aileen Abello ng kampeon na Rizal Technological University-Mandaluyong, Gedda Valencia, Karen Aribal, Gina Salvador at Jenny de Jesus ng second placer na Adamson U, Erlinda Pascual, Melcy Bandillo at Eldiza Yator ng Rizal province team, Aileen Cabaybay at Rosie Velasco at Mary Jane Lasquete ng Bacolod City, Diony Macasu ng UP at Marife Halup ng University of Batangas.

Samantala, dahil sa matagumpay na pagdaraos ng naturang torneo, ipinangako ni Malolos Mayor Resty Roque na agad na magpapagawa sila ng permanenteng softball stadium sa kapaligiran ng lungsod kapag nakakita na sila ng isang magandang lugar.