SM-RP Ice Hockey Team nasa 3rd place lang

Tumapos ang SM-Philippine Ice Hockey Team na tinaguriang "Manila Typhoon" ng ikatlong puwesto sa katatapos lamang na 2001 World Hockey 5s Tournament sa Dragon Center sa Sham Shui Po, Hong Kong.

Nagbulsa ang Typhoon ng tatlong panalo, dalawang talo sa likod ng nanalong Tiger Cubs na may 4-3, Air Canada (5-2) at AMC Hong Kong (7-0).

Hinirang si Andre Gan na Best Defenseman sa nasabing tournament.

Ang kampanya ng Typhoon ay binanderahan nina Gan, Paolo Baguisa, Rita Ceguerra, Kim Cruz, Adrian Lustre, Kelvin Ma. Pierre Navasero, Paolo Ollero, Carlo Paredes, Keo Ramos, Yuri Ramos, Nicco Recasata, Cris Rukowski, Patrick Sine, Nemsy Tagalag at Nerika Tagalag.