"We were advised na baka wala kaming airtime in lieu of the Labor Day activities. Nag-request din ang mga teams namin na baka mahirapan silang pumunta sa Makati Coliseum, speculating the traffic caused by these activities," paliwanag pa ni Trinidad.
Gayundin, walang available na airtime na maibibigay ang PTV-4 sa PBL simula alas 3:30 ng hapon hanggang alas 7:30 ng gabi dahil na rin sa coverage nila ng mga nakalinya nang activities ngayon.
Iniisip din ng mga nag-oorganisa ng PBL at PYBL na baka mahirapan ang mga fans na magcommute papuntang Makati Coliseum.
Samantala, nakakabilib na laro naman ang pinakawalan ng Dazz Ultra laban sa ML Kwarta Padala, 72-66, sa pagpapatuloy ng 1st OHM CBL-MICAA Summer Showdown sa Inayawan Sports Complex, Cebu City.
Dinala ng panalong ito ang Greasebusters sa pakikisosyo sa ikalawang puwesto sa koponang M. Lhuillier Jewelers, matapos umiskor ng 15 puntos ang forward ng Dazz Ultra na si Joel Bona, sa tulong naman nina Rudy Enterina at Rey Cantona kapwa gumawa ng 14 puntos.
Pinangunahan ng ML Kwarta Padala ang unang quarter ng laro subalit pinatunayan ng Greasebusters ang kanilang galing na padapain ang Cash Forwarders sa tatlong huling canto. (Ulat ni Carol Fonceca)