SM-Pinoy Hockey Team pa-Hong Kong

Aalis ang 17-man SM-Philippine Ice Hockey team sa ikatlong linggo ng Abril patungong Hongkong para lumahok sa 2001 World Hockey’s Tournament sa Abril 25-29 sa Dragon Center sa Sham Shui Po, Hongkong.

Ang line-up ay binubuo nina Paolo Baguisa, Rita Ceguerra, Kim Cruz, Andre Gan, Adrian Lustre, Kelvin Ma, Pierre Navasero, Paolo Ollero, Carlo Paredes, Keo Ramos, Yuri Ramos, Nicco Recasata, Cris Rurkowski, Patrick Sine, Nemsy Tagalag, Nerika Tagalag at Marvin Young.

Ang koponan ay gigiyahan ng mga coach na sina Sidney Barros at Paul Medina kung saan 25 koponan sa pangunguna ng host country Hongkong ang inaasahang sasabak sa annual tournament na ito at sa ikaapat na pagkakataon sasali ang bansa simula noong 1998.