Milo Junior Tennis Cup sinimulan na

ZAMBOANGA--Binokya ni Fahd Salip ng Pagadian City si Fil Caroro, 8-0 at pinayukod naman ni Napnap Yu ng Isabela si Eddun Almandi ng Basilan, 8-1 upang pamunuan ang opening day winners ng 2001 Milo Junior Tennis Cup and Regional Workshop dito sa Zamboanga City Lawn Tennis Association hardcourts kahapon.

Umusad sina Yu at Salip sa boys’ 16-under division kasama sina Jonas Bucoy na nagtala ng 8-3 panalo kontra Dick Nur Hussien at Jasper Benzon na sumibak kay Alexander Hambre, 8-2.

Sa boys’ 14-under bracket ng Milo netfest na ito na inorganisa ng CTW at supor-tado ng Adidas, tinalo ni Roel Damian si William Enriquez, 8-5, habang muling nagtala ng panalo si Caroro kontra Lorenzo Parcon, 8-1.