Moral, nakopono ang korona ng Shell Rimulla J Jeepney King Challenge

LEGAZPI CITY -- Ginamit ni Javier Moral ang kanyang malawak na kaalaman sa pagmamaneho upang pagharian ang pang-apat na yugto ng Shell Rimula J Jeepney King Challenge na ginanap dito kamakailan sa Peñaranda Park sa pakikipagtulungan nina Gov. Al Francis Bichara at Hon. Imelda Roces.

At dahil sa kanyang maingat na pagmamaneho at kaalaman sa batas trapiko, nakamit ni Moral ang P10,000 first prize, habang si Noel Millares na pumangalawa ay nag-uwi ng P7,000 at ang third placer na si Ranilo Maceres ay angkasya sa P5,000 na premyo.

Samantala, ang "Pinakamapormang pampasada" ay napasakamay ni Ronaldo Alemania habang ang entries nina Renato Pat at Walden Navarez ay pumangalawa at pumangatlo, ayon sa pagkakasunod.